جاري التحديث…
يناير14
السلام عليكم ورحمة الله وبركاته
- welcome
يا هلا فيكم كلكم في “سوفتويري”
سعيد جداً جداً بالمره لوجودكم هنا
حللتم أهلاً ووطأتم سهلاً
يوم البولنق العالمي
نوفمبر27
اليوم لعبت بولنق !! 
>> واخيراَ
من زمان وانا اقول وش ذي اللعبة السقيمة مافيها وناسه كلها رمي كور
لا وليه الناس ما يعرفون يرمون صح كلها تروح على الجوانب !!
أول رميه كانت غير موفقة البته !! يعني من جنب القده
لكن بدأ الاحتراف شيئا فشيئا مع ان كانت المسألة صعبة شوي
احلى شي ان وصلت سرعة الكور اللي احذفها 28 كيلو متر في الساعه لووول بس فزت على الخمة اللي معي اللي لهم سنين يلعبون وانتهت النتيجة لصالحي ب 69 >> رقم وصخ خخخخ شكل الكوفي اللي في الانتر أثر علي !!>> وش دخلها
اكمل قراءة بقية الموضوع »
هندسة البرمجيات Software Engineering ( تخصصي الفلّه)
نوفمبر26
الهندسة السوفتويريه فرع من فروع علوم الحاسب فيها تطوير وتضبيط البرمجيات بطريقة حلوة ومرتبة
مو خبط لزق وعالله يضبط البرنامج ,,, يعني بالعربي مو كتابة البرنامج بس
سالفة تطوير البرامج طويلة شوي
تبتدي بـدراسة احتياجيات المستخدم وتنتهي بصيانة وتوسيع البرنامج
هندسة البرمجيات كتخصص دراسي في الجامعه هنا في السعودية قليل أو بالاصح في جامعة الملك فهد للبترول والمعادن
راح احاول اختصر الكلام في شرح هالتخصص وايش الاشياء اللي تدرس فيه
طبعا كلها ظمن دورة حياة البرنامج وهذا رسم لنموذج الشلال << يعجبني اسمه ههه
اللي هو احد عمليات هندسة البرمجيات الاكثر اتباعا
مرطاخ
نوفمبر24
برمجة C#
برنامج client/server يعني فيه كونكشن خلال الشبكة المحلية
Client هو الحهاز الزي يطلب خدمه معينه مثلا اي شخص لما يكتب عنوان منتدانا google.com فيInternet Explorer يصبح هو ال Client
والـ Server هو الجهاز الذي يأدي خدمه معينه فا في المثال السابق الجهاز الذي يرمز له العنوان هو الجهاز الذي سوف يزودك بكل ماهو موجود في الصفحه الاول للموقع هو الServer
في لعبتي (مرطاخ) الكلاينت والسيرفر برنامج واحد لكن في بداية عمله تحدد يكون سيرفر أو كلاينت ولابد يكون السيرفر شغال قبل الكلاينت
بالنسبة للعبة مرطاخ
لعبة قديمة تعتمد على لاعبين ونوعين من القطع وخطوط في الارض توضع القطع على تقاطعاتها وتتحرك على امتداداتها
لعبة سهله تحتاج الى (شوية تفكير) واعتقد انها مسلية اكثر من لعبة X O
الحين صار فيه بلوت نت ليه ما يصير مرطاخ نت
سويتها انا وزميلي وائـل
طبعا بما انها تعتمد على لاعبين راح يكون هناك كمبيوترين واحد سيرفر وواحد كلاينت يتصل بالسيرفر
بعد ما يتم الاتصال ويبدأ اللعب :D
- عشان يفوز اللاعب لازم يحط الثلاث قطع على خط مستقيم واحد
- مرحلتين مرحلة وضع القطع ومرحلة تحريك القطع
- الفائز يقول ” مرطااااااخ”