مين انا؟
محمد العتيبي
وش اقول وش اخلي,,,
- خريج جامعة البترول
- تخصص هندسة برمجيات
- جيد التعامل مع جميع العقليات والافكار open minded
- ممتاز في الفزعة والمساعدة
- يعرف يسوق الحاسب الآلي << معاه رخصة
- فاشل في تنظيم الوقت ومحطم الرقم القياسي في الغيابات من غير عذر
- يتمتع بذوق رفيع في تصاميم الفوتوشوب
- نكتي الى حد(ن) ما
سيرتي الذاتية حافلة بالانجازات,,, أول انجاز سويته في حياتي المركز الاول في مسابقة الرياضيات على مستوى المحافظ. حسيت نفسي انشتاين مع اني ما اقرب له كان هذا الانجاز عام الف واربعة ميه ويمكن عشرين ان شاء الله راح اجيب صورة الدرع اللي عطونيه
ثانيا كنت دافور في الثانوية واغشش اخوياي بعد << معيار الدفرة
وجبت 94.5% << ماشاء الله
رحت ادور وظيفة بعد الثانوية << بدأ الفشل خخخخ
الحمد لله ما لقيت وظيفة قلت ادرس احسن لي في جامعة البترول ربي يحفظها من جامعه
درست في الاوريا وتعرفت على ناس فريشمان وسافامور وكانوا يعايروني اني اوريا 
بس كنت اتحمل واتحمل ولا عمري صحت
خاصة صقر كان يزعجني بذي الكلمة ” اخبارك يا اوريا؟” << كنت احقد عليه بس ما ابين لووول <<< يحس انه طلع برا الموضوع
المهم عديت الاوريا والحمد لله وراحت عقدة الاوريا .. وبدت عقدة اوريا جبل (فريشمان)
حسنا في الفترة هذي شوي وصعنا شوي وبدت الصياعه في السافامور لييييين صرت داشر خخخخ يعني جبت أول F في حياتي
لكن ثابرت وثابرت وسويت مشاريع وتعلمت اشياء واجد وراح احط لكم شي من مشاريعي هنا تشوفونها
صحيح اني تأخرت في دراسة الجامعه سنه ونص لكن مثل ما يقولوا في كل تأخيرة خيرة
صرت اعرف ابرمج واعرف اصمم برامج باUML
اعرف لغات برمجة مثل:
- JAVA
- C#
- C
- HTML
- XML
- XSL
- JavaScript
- CSS
- ASP.NET
- SQL
- php على الخفيف
طبعا سويت بهم درزن مشاريع
وها أنا هنا اقف على ابواب التخرج من جامعة البترول والمعادن هندسة برمجيات وراسي ضاربة السوفتويرات اللي فيه فيها ملون بق خخخخ
راح اشرح لكم بعض المصطلحات السوفتويريه في وقت لاحق
هذي بعض من مقتطفات حياتي
وقتنا ممتعا في تقضونه في مدونتني
كونوا بخير
سوفتويري