مشروع التخرج الكشخه

الله يذكرك بالخير يا دكتور محمد صبرت علينا كثير وصبرنا عليك كثير

مشروع سويته مع شلة Team5 المبدعين طبعا كان ترمين ورا بعض وكان كل ميتنق وناسه وسوالف وشوي شغل

كذا المفروض تصير الاجتاعات حقت البرامج مافيه شغل برمجه فيها مناقشة وسوالف وتقسيم شغل بين (المطورين) والـ Testers

ولازم يتغير مكان الميتنق مره في الجامعه في احد اللابات الفلة >> افضل 410 مافيه احد وصاد

ومرات يكون في شرفة الخليج لاحتساء القهوة ودفع الفلوس قطيه طبعا الى متى نهايط

ومرات يكون في بيت احد الاخوان وسلمي لي على قهوة الثنيان تكيف الراس وتخلي الواحد يجلس في الميتنق من 8 الليل ل 9 الصباح على تكه وحده

ومرات تكون اونلاين ميتنق << بس ما حبيتها الشباب ما يكتبون بسرعه وفيه ناس ينكتون ويستخفون دمهم ويخربطوننا!!

ومرات في المستشفى خخخخ عند السبونسر حقنا ( اللي طالب البرنامج)

حبيب في البداية لكن بعدين يبدا التغيرات وحب التغير والتطوير لووول

المهم كان الشغل اكثر شي Decomentation

الترم الاول تقريبا مرينا بـ Vision Document ملف يحتوى على لمحات عن البروجكت وفيه كلام واجد

Project Plan وهذا اهم شي لأن القروب اذا ما كان عنده خطه مارح يخلص شي وراح يتلخبط شغله

SRS وهذا علة العلل اللي هو ديكومنت طويل عريض فيه sequence diagrams وشرح عنها و Screen Layout وبرضو شرح عنها وكل المطلبات المطلوبة من المشروع

برضو سوينا الـ Class Diagram والـ Data Structure و  Algorithms وتصميم قاعدة البياانات ثمن الـ SDD ملف تصميم المشروع الكامل

والترم الثاني كله حدثنا كل اللي فوق وبدينا نبرمج برمجة مو طبيعيه لين انتهينا والحمد لله

هذي صور من الموقع

وهذا ملف المتطلبات

تحياتي لكم