الهندسة السوفتويريه فرع من فروع علوم الحاسب فيها تطوير وتضبيط البرمجيات بطريقة حلوة ومرتبة

مو خبط لزق وعالله يضبط البرنامج ,,, يعني بالعربي مو كتابة البرنامج بس

سالفة تطوير البرامج طويلة شوي

تبتدي بـدراسة احتياجيات المستخدم وتنتهي بصيانة وتوسيع البرنامج

هندسة البرمجيات كتخصص دراسي في الجامعه هنا في السعودية قليل أو بالاصح في جامعة الملك فهد للبترول والمعادن

راح احاول اختصر الكلام في شرح هالتخصص وايش الاشياء اللي تدرس فيه

طبعا كلها ظمن دورة حياة البرنامج  وهذا رسم لنموذج الشلال << يعجبني اسمه ههه

اللي هو احد عمليات هندسة البرمجيات الاكثر اتباعا

Waterfall Model

بالعربي:

جمع المتطلبات >> التصميم >> التنفيذ (كتابة الشفرة) >> الاختبار والتأكد >>الصيانة

طبعا يتخللها بعض العمليات مثل التخطيط لكل مرحلة و والتحليل للمتطلبات وتجميع الكود

خلونا نتكلم عن كل مرحلة بالتفصيل اللي موب ملل

• Requirements :

انا اعتبره اصعب شي وقليل اللي يتقن هذي الشغلة. فيها يعرف المهندس وش يحتاج العميل ويفهم المسألة اللي هم يحاولون يحلونها ويسون لها برنامج. فيه مجموعة مهام يقوم بها المهندس من اسألة وغيرها مثل كيف بيكون تأثر البرامج في البزنز حقهم, ووش يبغي العميل وكيف بيكون شغل المستخدم على البرنامج المطلوب

تحليل المتطلبات يقتضي التالي: تحديد أصحاب المصلحة >> مقابلاتهم >> قائمة بالعقد >> الاهداف القياسية >> عمل النماذج (وهذا مره مهم)  >> Use cases >> كتابة مستند وصف متطلبات البرنامج (SRS)

Design: من المتطلبات نقدر نسوي التصميم حق البرنامج شوفوا الدرس هذا وتعرفون وشو التصميم هنا

Implementation : وصنا للتنفيذ  اللي هو كتابة الكود >> هنا يبي لك تكون مروق وانت تكتب الكود

Testing: فريفيكاشن هههه شغلة غثيثة ومملة بس بيقولوا انها مهمة واكيد مهمه عشان ما تكتشف في الاخير ان شغلة في غلط كبير ويأثر على كل شي سويته !!

فيه انواع للتستنق منها الصندوق الابيض والصندوق الاسود … الخ

Maintenance: تحديث البرنامج بشكل دوري وتطويره

اتمنى اني اضفت شي لمخوخكم عن هندسة البرمجيات

تحياتي لكم

سوفتويري